धर्म

विहनि कथा-29
* धर्म *

सकीना अपन पति रहमाक संग बड सुन्दरसँ जिनगी काटि रहल छलीह ।एक दिन रहमान बड प्रेमसँ एकटा कथा सकीनाकें सुनबैत छल ।ओहि कथामे एक ठाम तीन बेर तलाक . . .तलाक . . .तलाक लिखल छल ।रहमान एकरो पढ़ि देलक ।ओकर सबटा बात अब्बा सुनैत छलै ।ओ रहमान लऽग आबि बिगड़ैत बाजल "ई की कऽ देलें ?आब तोहर तलाक मान्य भऽ गेलौ ।"
आब मियाँ-बीबीपर पहाड़ खसि पड़लै ।रहमान कतबो मनेलक जे ओकरा तलाकक कोनो जरूरति नै छै ।ई प्रेमे छल ।मुदा धर्म मानै लेल तैयार नै भेलै ।आब सकीना आन पुरूषसँ निकाह कऽ, तीन मास काटि ,ओकरासँ तलाक लेलाक बादे रहमानसँ निकाह कऽ सकतै ।टोलक लोक सकीनाकें घरसँ निकालि देलकै ।रहमान आ सकीनाक नोर पूछि रहल छल जे एहन धर्म बनाएले किए गेलै जे प्रेमो नै बुझै छै ?

*हम किनको ठेस नै पहुँचाबऽ चाहै छी आ नै कोनो धर्मपर कटाक्ष करै छी ।ई कथाकें मात्र मनोरंजनक नजरिसँ देखल जाए । *
अमित मिश्र