बिहार प्रदेश जनता दल यूनाइटेड केर किसान प्रकोष्ठक प्रदेश उपाध्यक्ष डा. राम मोहन झा सोमकेँ जिलाधिकारी नर्मदेश्वर लालसँ भेट कऽ ज्ञापन देलनि। एहिमे ओ वरीय उप-समाहर्त्ता( दरभंगा) विनोद कुमारक लेखपर आपत्ति प्रगट केलनि अछि। डा. झा कहलनि जे 139 म जिला स्थापना दिवसक अवसरपर प्रकाशित कएल गेल स्मारिकामे ब्राहमण विरोधी लेख छापल गेल अछि। ओहिमे रामचरितमानसक लेखक बाबा तुलसीदासपर सेहो कटाक्ष कएल गेल अछि। ओ जानकारी देलनि जे जिलाधिकारी हुनका आश्वासन देलनि जे एकर जाँच कराओल जाएत। जँ एहि तरहक घटना सच अछि तँ उक्त अधिकारीपर कारवाइ कएल जाएत। उल्लेखनीय अछि जे ओ एहि ज्ञापनक प्रतिलिपी मुख्यमंत्री नीतीश कुमार, पूर्व सीएम जगन्नाथ मिश्र, पं. ताराकान्त झा, सांसद कीर्ति झा अजाद, सञ्जय झा, विनोद चौधरी आ गोपालजी ठाकुर लग सेहो पठाओल गेल अछि।
सदस्यता लें
टिप्पणियाँ भेजें (Atom)
0 comments:
एक टिप्पणी भेजें